லிங்கம் சிலம்பம்

​நான் பிறந்தது சோழங்கநல்லூர் எனினும் வளர்ந்தது மேற்கு மாம்பலம். 1974ல் எனது ஆசான் திரு.ஜம்புலிங்கம் அவர்களின் சிலம்ப வகுப்பில் சேர்ந்தேன். 1977ல் என்னால் சிலம்ப வகுப்புகள் ஆரம்பிக்கப்பட்டது. இன்றுவரை பல நிலைகளை கடந்து 30க்கும் மேற்பட்ட அகில இந்திய அளவில் தேர்ச்சி பெற்ற சிறந்த ஆசான்களையும், சுமார் 500க்கும் மேற்பட்ட மாணவ - மாணவியர்களையும்  கொண்டு நடத்தி  வருகிறோம். ஆரம்ப கால கட்டத்தில் பெயர் வைக்காமல் நடத்திவந்த இப்பள்ளிக்கு கடந்த 2017ல் தான் எமது ஆசானின் நினைவாக லிங்கம் சிலம்பம் பயிற்சி பள்ளி என பெயர் சூட்டப்பட்டு தமிழ்நாடு அரசின் பதிவு சான்றும் (பதிவு எண்.702/2017) பெற்றுள்ளோம்.

​

இன்று லிங்கம் சிலம்ப பயிற்சி பள்ளி சோழங்கநல்லூரை தலைமையிடமாக கொண்டு இயங்கிவந்தாலும், சென்னை காஞ்சிபுரம் மற்றும் தமிழகம் முழுதும் பயிற்சி கொடுக்கப்பட்டு வருகிறது. பல பள்ளிகளிலும் தகவல் தொழில் நுட்ப தொழிற்சாலைகளிலும் பயிற்சி வகுப்புகள் நடைபெற்று வருகின்றது. 

 

எமது சிலம்ப பயிற்சிபள்ளின் நோக்கமே நமது குழந்தைகளுக்கு உடல்வலிமை பெறவைப்பதோடு அல்லாமல் நல்ல மனத்தெளிவையும் இன்றைய சூழலை எப்படி எதிர் கொள்வது என்பதையும் வகுப்பில் மைய பாடமாக இணைத்து நடத்தப்படுகிறது. உடல் வலிமையோடு மனவலிமையும் பயிற்றுவிக்கப்பட்டு வருகிறது. மேலும் எம்பள்ளியில் சிலம்பம் பயிலும்  மாணவ மாணவியர் பலர் மாவட்ட - மாநிலபோட்டிகளில் கலந்து கொண்டு வெற்றிகளை பெற்று வருகின்றனர். 

தவிர எம்பள்ளியின் மூலமாக ஆண்டுக்கு ஒரு முறை திறனறிவு தேர்வு நடத்தி பட்டய சான்றும் அளிக்கபடுகிறது.

எமது ஆசான்கள் அனைவரும் பொறியியல் மற்றும் இளங்கலை முதுகலை பட்டம் பெற்றவர்கள் என்பது குறிப்பிடத்தக்கதாகும்.

​